'' खिचडी '' : कुलेखानी पिक्निक

पिकनिक इफेक्टले हो की सधै सात नबजी नउग्रिने मेरा आँखा पाच बजेको अलार्मलाइ उछिनेर साढे तिनमै उग्रियो I अरु बेलांमाँ "बाहिरको जाड़ोको को उठोस चाडो" भन्ने मेरो शरीर आज आफैं हतार गर्दै थियो I झंडै सात बर्ष पछि हामी स्कूले साथीहरु एककठ्ठा भएर पिकनिक जांदै थियौ I मन स्कूले जीवन झै चंचल थियो , त्यै बेलाको जोस र जांगरले ज्यान स्फूर्त भैरहेको थियो I

नियमित कार्य सक्काएर खाजा खाने ठेगान गतिलो नहुन सक्ने अग्रिम भाबिस्यबाणी गरेर आफैं किचेनमाँ गएर चिया र दुई पुरिया बिस्कुट हसुरेसी म मलाई बोलाइएको स्थान तर्फ हिडे I मलाई गाडी चड्दा त्यतिको हतार र हस्यांग फस्यांग जिंदगीमाँ कहिले भएको थिएन होला सायद I स्टेसनमाँ गाडी रोकिंदा मन मनै डाइभरलाई सराप्न मन लाग्त्यो “कती ढिलो गर्दो रेच यो डांन्ग्रा ” भन्दै I अन्तत कालीमाटी आइपुग्यो र म गाडीबाट ओर्ले I

सरोजलाई फोन गरे र राजघाटको पुल हुँदै आउनु र हामी संगै दिपेशको घर जाम्ला भनेर भने I पाइला निकै तेज चल्दै थिए I त्यसैले त त्यों पुलमा म नै चाडै पुगें र सरोजलाई कुरें I करीब ५ मिनेट नकुर्दै सरोज आइपुग्यो र हामी पुरानो स्कुलको बाटो हुँदै दीपेशको घर तीर हान्नियौ I

पिकनिक जाने गाडी आइपुगेको रहेनच I सश्मित दिपेशको मै रेच I अनिल र सुबास गाडी लीन गएका रहेछन I गाडी बाहिर रोड्मा आइपुगेको खबर पाएसी हामी पिकनिकमाँ चाहिने सामान गाडी तर्फ ओसार्न थाल्यौ I मलिका र पूर्णिमा नि आइसकेको रहेछन र सो काममा उनीहरूले नि सहयोग गरें I सामान सबै लोड गरेसी हामी आफ्नो गन्तब्य तर्फ लाग्यौ I बिबेक , जेन र बिजय दाईलाई डल्लू पुलमाँ र सोभालाई कालीमाटीमाँ लिएर हामी जम्मा १२ जाना कुलेखानी तर्फ लाग्यौ I गाडी एकै छीन कुलेश्वर निर अंडा , मासु किन्न रोकियो त्यस पछि हामी सिधै कुलेखानी तर्फ हान्नियौ I

गाडीमा सबै एक अर्कालाई गिज्याउदै र स्कूले जीवनका प्रसंग कोट्याएर बिल्ला हान्दै यात्रा गर्दै अगाडी बढ्यौ I कोही आफ्नो हालत बेहाल रहेको किस्सा सुनाउदै थिए त कोही आफ्नो जब्को अनुभव सुनाउदै थिए I काम धाम नभएका म जस्ता चै उनिहरुको कहानी सुन्दै थियौ I गाडीमा लोदर गीतहरु बज्दै थिए र बारम्बार गीत परिवर्तन गर्न डाईबर दाजुलाई पर्दे थियो I

चोभर फर्पिंग हुँदै हामी पाहिले दक्षिणकाली मुन्याड झर्न लाग्दा पुलिस दाइले यहाँबाट कुलेखानी जान गारो हुन्छ उहीं फर्पिंगबाट नै दायाँ जाने निर्देशन पाएसी गाडी फेरी मोडियो र हामी सोही अनुसार कुलेखानी तीर लागेम I गाडी रफ़्तारले अगाडी बढ्दै थियो I

बिबेकको पेट नी रफ़्तार संगै हुडलिदै रेच I फर्पिंग बाट निकै पर पुगेसी पिसाप फेर्ने बहानामा गाडी रोकियो I बिबेकले बिहान घिच्या केक पुरै ओकल्यो , पिसाप फेर्नेले पिसाप फेरे , हरिया डांडाको फोटो खिच्नेले फोटो खिचे र चुरोट तान्नेले चुरोट ताने र पुन यात्रा अगाड़ी बढ्यो I

त्यांड आ आफ्नो मोबाईलमाँ ज्याक घुसाएर गीत बजाउने कम्पीटीसन चल्यो एकछीन I पैले मैले बझाएं पुराना नारायण गोपालका गीत देखि पशुपति शर्माको लोक गीत सम्म तर कोसैलाई टेस परेन I जेनले अंग्रेजी गाना बजायो , सुबासले उसकै तालको र्याप गीत बजायो , बिबेकले बजायो , सस्मितले बजायो ...............

बाटोमा ससाना भाई बहिनिहरू लालिगुरास बेच्न बसेका हुंदा रेचन , एक गुच्छा दिपेसले किन्यो र बाटोमा अनेकलाई अब कती टाडा छ कुलेखानी भन्दै सोध्दै हामी अंतिममाँ दस बजे तीर कुलेखानी पिकनिक स्पट पुगेम I बिशाल कुलेखानीमाँ पानी तहिराहेका थिए , डून्गाहरु किनारमा देखिन्ते , माथि डांडाबाट कुलेखानी साच्चै कंचन र सफा देखिंत्यो I

गाडीबाट ओर्लिदा सबै भोक्ले तर्सित देखिन्ते ! गाडी तल झार्न कठिन छ भनेर डाइभर दाजुले भनेसी सामनहरु माथी डांडाबाट तल पिकनिक स्पट सम्म सबै मिलेर झारेम अनी हामीलाई त्यति दुःख दिएर गाडी रित्तै ओर्लेसी डाईभर साइको छ की क्या हो भन्ने प्रश्न पनी नउठेको चै होइन I

भोक त लायाथ्यो तर कुलेखानीको सुन्दरता देख्दा भोक एक छिन्लाई हरायो I कुलेखानी र आफ्नो फोटो कैद गर्न तीर हामी लाग्यौ र फोटो सेसन पश्चात काम धमाधम अगाडी बढ्यो I बिजय दाई हाम्रो हेड कुक हुनुहुन्त्यो उहाँको निर्देशनमाँ हामीले काम गरेम I

अंडा उसिन्ने , चिया पकाउने , पाउरोटीमाँ बटर दल्ने कामहरु फटाफट चल्यो र चिया नास्ता गरेम I त्यस पछी मोटर कोसा छोडाउनेलाई जेनले छेराउने भन्दा हाँसोको फोहोरा छुट्यो एकछीन I आलू खुर्किने काटने , गोलभेडा काटने , अदुवा लसून पिध्ने कामहरु हामीले सघाएम I अनिलले दाऊरा खोजेर छुट्टै चुलो बनाएर राजमा उसिन्न बसाली सकेछ I बिजय दाइले मेसै संग पहिले मासु रोस्ट गर्नुभो , प्रन बनाउनु भो र हामीले १२:३० तीर च्यूरा बदाम सांधेको प्रन र रोस्ट सहितको खाजा खायौ I यो प्लेटमाँ राखेर बाढ़ने काम चै मलिका पूर्णिमा र सोभाले पाएका थिए I

बिजय दाई पुलाऊ , अचार र तरकारी बनाऊन तीर लाग्नुभो I एक दुई जाना उहाँको हेल्पर भएर उहाँकै सम्मुख बसेर सहयोग गरेम I केटाहरु बिएर खाने कार्यक्रम र फोटो सेसन कार्यक्रम तीर लाए I त्यस लगत्तै दीपेश , जेन , सुबास , सोभा , मलिका , पूर्णिमा बोटिंग गर्न तीर लाए I हामीहरू उनीहरुलाई किनारमा बसेर जिस्क्याउन थालेम I खानकी पाक्दै थियो हामी थाक्दै थियौ I

पाच सात जाना साथिहरु फेरी मार्खु घुम्न गए I पिकनिक स्पटमै रहेकाहरु थप बिएरको चुस्की लिंदै साइडमा आएको अर्को पिकनिक ग्यांग संग रमाइलो गर्न थालेम जस अन्तर्गत सरोज र एक जाना अंकलको डान्स हेरेर हामी धेरै बेर हासेम I साथिहरु संग सेल्फी र वेल्फी खिचेम I मार्खु गएका साथीहरु फर्केर आए , एक छीन गुप डान्स गरेम र धेरै ढीला गर्नु हुन्न भनेर पुलाऊ तरकारी खायौ I खाना खाई वरी पोजपोज्मा ग्रुप फोटो लिएम र सामान प्याक गरिवरी काठमांडू तीर फर्केम I

अलीकती माथी आएसी कुलेखानी डयाम हेर्न जाने कुरो भयो I पानी निकै घटेको कुरो देखेम र पुन गाडी तर्फ फर्केम I करीब ५:१५ तीर चिया र माँ प से गर्न गाडी रोकियो I चीनी नै नहालेको पाच रुपे गोटाको चिया खाएसी हाम्रो गाडी कुद्यो र एकै चोटी कलंकीमा सोभालाइ झार्न रोकियो I

बिबेकलाई भमिट गर्न चोभर तीर एक चोटी गाडी रोकिया थ्यो क्यार , पिकनिकमाँ खा जती त्यै ओकाल्यो बज्जेले I त्यस पछि पिकनिकको समीक्षा गर्दै हामी दिपेसको घर पुगेम , सामानहरु गाडीबाट दिपेसको घर सम्म लगेम I दीपेसको घरमा एक छीन बसेर रातिको खाजा अगी पिकनिकमाँ बांकी रहेको पुलाऊ मासु खाएम र छिट्टै भेट्ने बाचा सहित आ आफ्नो घर तीर लागेम I

अन्तमाँ यो पिकनिकको कन्सेप्ट निकाल्ने दीपेश , सामनहरु उपलब्ध गराईदिने दिपेसको ममी र खानाहरु बनाउन अग्रणी भूमिका निभाउने बिजय दाजुलाई मुरी मुरी धन्यबाद नदीई रहन म सक्दिन I मेरो बिचारमा यो पिकनिकको मुख्य श्रय उहाँहरुलाई जान्छ I