कति यादहरु .....

कति यादहरु चुरोटको खिल्लिमा उडाएँ ।

कति यादहरु मदिराको बोत्तलमा रित्त्याएँ ।।

अझै बुझाउन सकेको छैन मैले आफैंलाई । 

कति यादहरु सम्झनाको कसिंगरमा जलाएँ ।।

कति यादहरु विस्मृतिको सागरमा बगाएँ ।

कति यादहरु समयको फाँसीमा चढाएँ ।।

अझै बुझाउन सकेको छैन मैले आफैंलाई ।

कति यादहरु टुक्रिएको मनमा सढाएँ ।।

कति यादहरु पत्रको हरफमा रंग्याएँ ।

कति यादहरु आँशुको थोपामा बगाएँ ।।

अझै बुझाउन सकेको छैन मैले आफैंलाई ।

कति यादहरु गुम्सिएको मुटुमा डढाएँ ।।