क्यारम !!

भ्रस्टचारीले फूल र मालाको अभिनन्दन पाउँछ

कर्मशील युवा मलेसियाको माटोमा रमाउँछ

धारामा हावा आउँछ ,चीम संग बिजुली रिसाउँछ

गूँद्पाकमा गुहु र पेट्रोलमा पानी मिसाईन्छ

क्यारम !!

यहाँ त एम्बुलेन्सले पनि रक्तचन्दन ओसार्न सघाउँछ

यहाँ बोलीको भन्दा गोलीको भाषा पढाइन्छ

पुलिसकै मिलेमतोमा जनताको ढुकुटी रित्त्याइन्छ

प्रेस स्वतन्त्रता र नागरिक अधिकारको धज्जी उडाईन्छ

न्यायलाई घाँटी अठ्ठ्याएर पासोमा झुन्ड्याईन्छ

क्यारम !!

यहाँ त छोरो जन्मे हर्क बढाँई र छोरी भए गर्भ मै तुहाईन्छ

सीमा क्षेत्रमा छिमेकीद्वारा नारी अस्मिता लुटिन्छन

सिंह दरबारियाहरू आफु चै असुरक्षित भएको महसुस गर्छन

र आफू वरिपरी घुम्ने सुरक्षाका दश्ताहरू थप्छन

जनता बिरामी हुँदा अस्पतालमा ठाउँको अभाव देखिन्छ

क्यारम !!

यहाँ त हाक्षिउ आएकै भरमा नेतालाई चैँ सिंगापुर कुदाईन्छ

नेता आफ्नै मात्र कार्यकर्ताको खाना र तेल खर्छ तिर्छन

जाजरकोटमा निमुखा जनताहरू भोकमरीले पिल्सिएर मर्छन

झाडा पखाला लाग्दा ओखतीको अभावमा यमलोकको बाटो पुग्छन

अनि नेताजी निरिक्षण गर्न हेलिकप्टरबाट सवारी होइबक्सिन्छ

क्यारम !!

यहाँ त ओखती चैं चार दिन लाएर भरियालाई बोकाएर पुर्याइन्छ

गाडीले किचेर मरेको पात्रलाई जबर्जस्ती शहिद घोसणा गराईन्छ

धनीहरु सिरकले किचेर मर्छन , गरिबलाई अभावले किचेर सताउँछ 

धनी र गरिब बीचको खाडलमा मलजल हालेर अझ फास्टाईन्छ

सोझा जनतालाई सपना र आश्वाशन बेचेर भोट कमाईन्छ

क्यारम !!

यहाँ त सित्तैमा पाए मीत सासूलाई नि विदेश भ्रमणमा पठाईन्छ