गन्जी ढोका पछाडी खोपिएको किल्लामा झुन्ड्याएर लोग्ने भर्खर खाटमा
पसारिएको थियो I छातीका रौँहरु मुसार्दै , बेलाँ बेलाँ त्याँ जमेका मयलहरु रगड्दै
र त्यै मयल सूँन्ग्दै भाडा माजिरहेकी स्वास्नी तिर हेर्दै उसले कोठामा छाइराखेको
सन्नाटा चिर्यो “ओई पोक्ची , सिद्देन ? चाडो गरन ! मलाई निन्द्रा नपरेर कस्तो गारो
भैसको I”
अन्तिम गिलास पखाल्न लागेकी स्वास्नी अली ठुस्स परेको झैं देखिन्ती I
लोग्नेको अगिको आग्रहमा कुनै प्रतिक्रिया नजनाई भाडा पखाली सक्केसी कोठाको बत्ति
निभाएर एउटा म्याक्सी ज्यानमा उनेर उ पनी झुल पन्छाएर खाटमा पसार्री तर त्यो सानो
खाटमा लोग्ने भन्दा एक हात पर र लोग्नेलाई आफ्नो नितम्बको भाग देखाएर र सुरु हुन्छ
बार्गेनको कथा I
